अखबार नेपाल ट्रेन्डिङ

काठमाडौं : भारतको बिहार हुँदै भित्रिएको सलहको बथान तराईका विभिन्न जिल्ला हुदै काठमाडौं उपत्यका आइपुगेको छ । मंगलबार काठमाडौं, भक्तपुर, ललितपुरको विभिन्न ठाउँमा सलहको बथान देखिएको छ ।

भारतको उत्तर प्रदेश र बिहारसँग जोडिएका नेपालको तराई क्षेत्र हुदै गत शनिवार बिहान ७ देखि ८ बजेको बीचमा सलहको बथान नेपाल प्रवेश गरेको थियो । रूपन्देहीको भैरहवा, पर्साको पर्सागढी, बाराको डुमनबारा, सर्लाहीको नवलपुर, सिन्धुली, नवलपरासी तथा अन्य जिल्ला हुँदै सलह काठमाडौं प्रवेश गरेको पशुपन्छी विकास मन्त्रालय अन्तर्गतको प्लान्ट क्वारेन्टाइन तथा विषादी व्यवस्थापन केन्द्रले जनाएको छ । त्यस्तै सलहले बर्खे धान बाली, धानको बीउ, फलफूलका बोटबिरुवा र तरकारी बाली खाएर नष्ट गर्न थालेकाले कोरोना संक्रमण बढ्दै गएको अवस्थामा सलहले कृषि क्षेत्र ध्वस्त पारे समस्या झनै विकराल बन्ने विज्ञले बताएका छन्।