अखबार नेपाल ट्रेन्डिङ

काठमाडौं: जनता समाजवादी पार्टीले अंगीकृत नागरिकलाई ७ वर्षपछि मात्र नागरिकता दिलाउने निर्णयको विरोधमा आयोजित कार्यक्रममा गोर्खा भर्तीमा गएकाको नेपाली नागरिकका सन्तानलाई वंशजको नागरिकता दिलाउन माग गरेको छ ।

सन् १९४७ मा भारतबाट बेलायत फर्किंदा भारतमा रहेको १२ वटा गोर्खा रेजिन्मेन्ट मध्ये बेलायतले ६ वटा आफूसँग लगेको र ४ वटा भारतमा छाडेको उल्लेख गर्दै गोर्खा भर्तीबाट भारत र बेलायत पुगेका सैनिकका सन्तानले नेपाली नागरिकता नपाएको र त्यो राज्यस्तरीय सहमति भएकोले उनका सन्तानले नेपाली नागरिकता पाउनुपर्ने जनता समाजवादी पार्टीको माग छ ।

नागरिकता विधेयकले अपमान गरेको बताउँदै जनता समाजवादी पार्टीले गोर्खा भर्तीको क्रममा भारत, बेलायत, ब्रुनाई, सिंगापुर लगायतका देशमा बसेका नेपाली नागरिकका सन्तानहरूले उतै जन्मिएर उतैको नागरिकता लिने गरेकाले नेपाली नागरिकता प्राप्त गर्नबाट बञ्चित भएको, नेपाली नागरिकसँग विवाह गर्ने विदेशी महिलाले ७ वर्षपछि मात्र नागरिकता पाउने नयाँ प्रावधानको विरोध गर्दै नेपाली महिलासँग विवाह गर्ने पुरुषलाई पनि नागरिकता दिनुपर्ने त्यस्तै यौनिक अल्पसंख्यकलाई स्वास्थ्य जाँच गरी नागरिकता दिने प्रावधान खारेज गरी स्वेच्छिक बनाउने विभिन्न माग राख्दै देशभर प्रदर्शनमा उत्रिएको छ ।