अखबार नेपाल ट्रेन्डिङ

काठमाडौं: नेपाल कम्युनिष्ट पार्टी नेकपाको जारी स्थायी समिति बैठकको चौथो दिन आज अध्यक्षद्वय केपी शर्मा ओली र पुष्पकमल दाहालबीच गत आइतबार प्रधानमन्त्री ओलीले भारतविरुद्ध दिएको अभिव्यक्तिलाई लिएर भनाभन भएको छ ।

बैठकमा सहभागी एक नेताका अनुसार दाहालले प्रधानमन्त्रीले आइतबार दिएको अभिव्यक्तिको आलोचना गर्दै प्रधानमन्त्री ओलीको अभिव्यक्ति गम्भीर रहेकाले को सक्रिय भयो भन्ने जानकारी दिनुपर्ने बताउँदै ‘प्रधानमन्त्री र पार्टी अध्यक्ष दुवैबाट छोड्नुस्’ यो कुरा दिल्लीले भनेको होइन, मैले भनेको हो ।’ प्रचण्डको भनाइ उदृत गर्दै ती नेताले जानकारी दिए ।

बैठकमा दाहालले मदन जयन्तीको कार्यक्रममा भारतविरुद्ध अभिव्यक्ति दिएर तपाईंले पार्टीको प्रतिष्ठा गिराउनुभयो र भारतसँग त्यसरी जुधेर अन्तर्राष्ट्रिय सम्बन्ध सन्तुलित बनाउन नसकिने भनेका थिए । सोही क्रममा प्रधानमन्त्री ओलीले हाम्रो बैठकमा भएका कुरा दिल्लीका मिडियामा आएका कुरा कसरी हुबहु मिले ? यसबारे पनि गम्भीर छलफल हुनुपर्छ भन्दै बैठकमा जंगिँदै प्रतिप्रश्न गरेको बताईएको छ । आइतबार मदन भण्डारीको जन्म जयन्तीको अवसरमा बालुवाटारमा आयोजित कार्यक्रममा उनले नयाँ नक्सा सार्वजनिक र संविधान संशोधनलाई परमुख कारण देखाउदै आफूलाई हटाउन भारत सक्रिय भएको र त्यसमा नेपाली शक्तिले साथ दिएको बताएका थिए ।