अखबार नेपाल ट्रेन्डिङ

काठमाडौं: परराष्ट्रमन्त्री प्रदीपकुमार ज्ञवालीले राष्ट्रियसभाको बैठकमा केही सञ्चारमाध्यमले नेपालको भू-भाग चीनले अतिक्रमण गरेको भन्ने ‘फेक न्यूज’ सम्प्रेषण गरेको भन्दै दुई देशको सम्बन्धलाई असर पर्ने गरी समाचार सम्प्रेषण नगर्न आग्रह गरेका छन् ।

मन्त्री ज्ञवालीका अनुसार दुई देशबीच सीमा सम्बन्धी शान्ति तथा मैत्री सन्धिमा संयुक्त रुपमा हस्ताक्षर गरि हरेक १०/१० वर्षमा सीमाको निरीक्षण गर्ने सहमति भएको र तेस्रो पटकको सीमा निरीक्षणले सीमा सत्यका लागि भौगोलिक सीमा स्तम्भ राखिने निर्णय गरिएको बताए ।

नेपाली मिडिया व्यावसायिक बन्ने क्रममा रहेकाले सदनमा सांसदले पत्रिकामा केही आउने वित्तिकै अध्ययन नगरी बोल्न नहुने र तथ्यमा आधारित भइ विदेश नीति र राष्ट्रिय सुरक्षाका विषयलाई ध्यान दिनुपर्ने जानकारि गराउँदै त्यस्ता तथाकथित प्रतिवेदन कहाँ बनाइयो त्यसलाई कानूनी कारवाही हुने बताएका छन् ।