अखबार नेपाल ट्रेन्डिङ

काठमाडौं: कृषि तथा पशुपँक्षी विकासमन्त्री घनश्याम भुसालले विगत ४० वर्षदेखि बिग्रिएको नेपालको कृषि क्षेत्रलाई आगामी तीन वर्षभित्र सुधार गर्ने योजना अनुसार मन्त्रालय अघि बढेको बताएका छन्।

शनिबार १७ औं राष्ट्रिय धान दिवसको अवसरमा एसोसिएसन अफ नेपाली एग्र्रिकल्चरल जर्नालिष्ट (अनाज) ले आयोजना गरेको ‘कोभिड(१९ कृषिमा संभावना र चुनौती’ विषयक अन्तरक्रियामा मन्त्री भुसालले पछिल्लो ३०र४० वर्ष बिग्रिएको कृषिलाई तीन वर्षमा सपार्न खोजिएको छ र नयाँ कृषि व्यवस्थामार्फत कृषि क्षेत्रको सुधारका लागि मन्त्रालय लागिपरेको बताए ।

मन्त्री भुसालले कोरोना महामारीका कारण अन्य क्षेत्र धरासायी भएपनि कृषि क्षेत्र निरन्तर चलायमान रहेको कारण खाद्यन्न अभाव नभएको बताए । विगतमा किसानभन्दा पनि मन्त्रालय र मन्त्री बलियो हुने भन्नेतर्फ केन्द्रित भएका कारण अधिकांश कृषि वस्तु आयात गर्नुपर्ने अवस्थामा पुग्यो अब कृषि क्षेत्रको सुधारका लागि प्रदेश, स्थानीय तह, समुदाय, सहकारी लगायत सरोकारवाला निकायको साथ र सहयोग आवश्यक रहेको पनि बताएका छन्।

कृषि अनुदानको दुरुपयोग, कृषि प्राविधिक किसानको खेतसम्म नपुग्ने समस्याका कारण किसानमा निरासा बढ्दै गएको र कृषिलाई बजारको जिम्मा छोडिदिने विगतको प्रवृत्ति कृषि क्षेत्रको विकासमा बाधक भएकोले इमान्दारीपूर्ण कृषि बजेट तथा कार्यक्रम कार्यान्वयन गरेमा कृषि क्षेत्रले गति लिने उनको भनाइ छ।