अखबार नेपाल ट्रेन्डिङ

एजेन्सीः इलालियन सिरी ए फुटबलको नयाँ तालिका सार्वजनिक भएको छ । इटालि फुटबल फेडेरेसनले सार्वजानिक गरेको नयाँ तालिका अनुसार पहिलो दिन २ खेल हुनेछन् । पहिलो खेल टोरीनो र पार्माबीच हुनेछ भने दस्रो खेलमा वेरोना र क्याग्लारी खेल्नेछन् ।

कोरोना भाइरसको महामारीका कारण गत मार्चमा सिरी ए स्थगित भएको थियो । युरोप मध्येमा सबैभन्दा बढी इटालिमा कोरोना फैलिएपछि सरकारले लिग सहितका सबै खेलकुद गतिविधि रोकेको थियो । कोरोनाको संक्रमण बिस्तारै कम हुनथालेपछि जुनको २० बाट फुटबल सुचारु गर्न त्यहाँको सरकार, फुटबल फेडेरेसन र लिग कमिटि आबस्यक तयारीमा छन् ।

फेडरेसनले सार्वजनिक गरेको नयाँ खेल तालिका अनुसार जुन २० मा २ खेल, जुन २१ मा २ खेल हुनेछन् । जुन २१ मा इन्टरमिलानले साम्पोडोरियासँग खेल्नेछ यस्तै एटलान्टा र ससाओलो आमनेसामने हुनेछन् ।

यस्तै जुन २२ मा ३ खेल हुनेछन् । उक्त दिन फिल्योरेन्टिनाले ब्रेसियासँग, एसीमिलानले लिसीसँग र युभेन्ट्सले बोलोग्नासँग खेल्नेछन् । सिरी ए मा हाल युभेन्ट्स शिर्ष स्थानमा छ ।