अखबार नेपाल ट्रेन्डिङ

एजेन्सी: गम्भीर बिरामी भएको र मृत्यु भइसकेको समेत हल्ला चलिरहेका बेला सबै भ्रमहरुलाई चिर्दै उत्तर कोरियाली सर्वोच्च नेता किम जोंग उन सार्वजनिक रुपमा बाहिर निस्किएका छन् ।

किम २० दिनपछि मे १ तारिक अर्थात् विश्व श्रम दिवसको दिन सार्वजनिक रुपमा देखा परेका हुन् । गएको अप्रिल ११ मा पछिल्लो पटक सार्वजनिक रुपमा देखिएका किम त्यसपछि देखिएका थिएनन् । आफ्ना हजुरबुवा तथा उत्तर कोरियाका संस्थामा किम उल सुंगको जन्मजयन्तिको कार्यक्रममा समेत किम सहभागी नभएपछि पश्चिमा मिडियाले उनको मृत्युसम्म भइसकेको प्रचार गरेका थिए ।

उत्तर कोरियाली सरकारी मिडिया केसीएनएलाई उद्धृत गर्दै सीएनएनले लेखेअनुसार किम मजदूर दिवसको कार्यक्रममा सार्वजनिक रुपमा देखिएका हुन् । प्योङयाङ नजिकै रहेको सनचेनको एउटा कृषि मल उद्योग निर्माण सम्पन्न भएको उपलक्ष्यमा आयोजित समारोहमा उनी सहभागी भएका हुन् । उनी सहभागी भएको कार्यक्रमको फोटो तत्कालै सार्वजनिक गरिएको थियो ।