रामेछाप जिल्लाको आठ स्थानीय तह मध्येको एक सुन्दर गाउँपालिका उमाकुण्ड गाउँपालिका (बृत्तचित्रसहित)

NCC Bank Ads

 

काठमाडौं: ऐतिहासिक राजनीतिक तथा विभिन्न दृष्टिकोणले देशकै महत्वपूर्ण मानिने रामेछाप जिल्लाको आठ स्थानीय तह मध्येको एक सुन्दर गाँउपालिका उमाकुण्ड गाउँपालिकाको वृत्तचित्र सार्वजनिक भएको छ ।

 

संघीय संरचना अनुसार साविकका गुम्देल, बाम्तीभण्डार, कुँबुकास्थली, प्रिति, गुप्तेश्वर र भुजी गाविस मिलेर बनेको यो गाउँपालिका जिल्लाको सबैभन्दा ठुलो स्थानीय तहमा पर्दछ ।

 

४ सय ५१ बर्ग किलोमिटर क्षेत्रफलमा फैलिएको यो गाउँपालिका पूर्वमा सोलुखुम्बु र ओखलढुंगा जिल्ला, पश्चिममा गोकुलगंगा गाँउपालिका, उत्तरमा सोलुखुम्बु र दोलखा जिल्ला तथा दक्षिणमा लिखु तामाकोशी गाउँपालिकासँग जोडिएको छ ।

 

रामेछाप र सोलुखुम्बुको सीमानामा पर्ने पवित्र तीर्थस्थल उमातीर्थको नामबाट यो गाउँपालिकाको नामाकरण गरिएको हो ।

 

 

८ सय ७४ मिटरदेखि ६ हजार ९ सय ५१ मिटर उचाईसम्म फैलिएको यो गाउँपालिकाको ४५ प्रतिशत भू-भाग हिमाली क्षेत्र, ३४ प्रतिशत उच्च पहाडी र बाँकी भू-भाग मध्य पहाडी क्षेत्रमा फैलिएको छ ।

 

प्राकृतिक सौन्दर्य, सांस्कृतिक विविधता र ऐतिहासिक महत्वको त्रिवेणी यो गाँउपालिका पर्यटकीय गन्तब्यको रुपमा विकास गर्न सकिने प्रचुर सम्भावना बोकेको गाउँपालिको हो ।

 

धार्मिक तथा पर्यटकीय दृष्टिले प्रख्यात पाँचपोखरी, जट्टापोखरी लगायतका तालतलैया भएकोले पनि पर्यटनलाई समृद्धिको मुल आधार बनाउन सकिने सम्भावना प्रचुर मात्रामा देखिन्छ ।

 

 

गाउँपालिकामा रहेका ताँबेडाँडा क्षेत्र, उमातिर्थ मन्दिर, चण्डिस्थान मन्दिर, विभिन्न चैत्य गुम्बा लगायत धार्मिक क्षेत्र आस्थाका केन्द्र मानिन्छन ।

 

१९ हजार २ सय २० हेक्टर क्षेत्र वनले ढाकिएको गाउँपालिकामा दुर्लभ र बहुमुल्य जडिबुटीको खानी मानिन्छ भने जैविक विविधता यहाँको अर्को विशेषता छ । खेतीयोग्य जमिन, वनजङ्गल, जडिबुटी, पानीका स्रोत र खानी नै गाउँपालिकामा रहेका प्रमुख प्राकृतिक सम्पदा स्रोत हुन ।

 

 

यो गाउँपालिकामा आवश्यकताको पहिचान तथा मागमा आधारित योजना छनोट गरि उपभोक्ताकै संलग्नतामा विकासका काम अघि बढाइदा एकातिर स्थानीय नागरिकलाई रोजगार मिलेको छ भने अर्कोतर्फ उनीहरुको अपनत्व जोडिएको पाईन्छ ।

 

क्षेत्रगत विशेषताका आधारमा आफ्नो ठाउँमा नमुना विकासका लागि वडा तहका जनप्रतिनिधिको सक्रियता उदाहरणीय देखिन्छ ।

 

भौगोलिक विकटता तथा विभिन्न जटिलताकाबीच काम गरिरहेको गाँउपालिकाले सूचना तथा प्रविधि विस्तारलाई प्राथमिकता दिएको पाईन्छ ।

 

 

दुई दशक जनप्रतिनिधि विहिन हुँदा अस्तब्यस्त यहाँको विकास निर्माण तथा सामाजिक ब्यवस्था स्थानीय तह निर्वाचन भै जनप्रतिनिधि चुनिएपछि पूर्णरुपमा बदलिएको छ ।

 

जनमतबाट चुनिएर आएकाहरु जनताप्रति जवाफदेही र इमान्दार हुने हो भने परिवर्तन धेरै टाढाको कुरा होइन भन्ने कुरा यहाँको, पहिले र अहिलेको अवस्थाले स्पस्ट पारेको देखिन्छ ।

 

प्राकृतिक सौन्दर्य सांस्कृतिक विविधता एवं ऐतिहासिक महत्वका क्षेत्रको गुरुत्तर विकासका लागि कृषि, जलश्रोत तथा पर्यटन विकास अपरिहार्य छ ।

 

 

यहाँ रहेका जटापोखरी, पाँचपोखरी, उमातीर्थ, किराँती चण्डीस्थानहरू, अनेक महादेव गुफाहरू, तामेडाँडा लगायत धार्मिक तथा पर्यटकीय क्षेत्रलाई समेटने गरि गुरुयोजना बनाई पर्यटकीय सर्किट बनाउन सके गाँउपालिकाको चौतर्फी विकासमा साँच्चिकै कोशेढुंगा सावित हुने देखिन्छ ।

पूरा वृत्तचित्रको लागिः

https://www.youtube.com/watch?v=5XuAlyb7eW0

Nishana Seving AD

NCC Bank Ads
Alice Education home sports
Umakunda Gaun Palika AD
पार्किङमा रोक लगाइएको भन्दै बागबजारका व्यवसायी आन्दोलित

पार्किङमा रोक लगाइएको भन्दै बागबजारका व्यवसायी आन्दोलित

वि.सं.२०७९ मंसिर १५ बिहीवार १६:५१

  काठमाडौं: सवारी पार्किङको अभाव भएको भन्दै बागबजार क्षेत्रका व्यवसायीहरु...

ग्रेडरले च्यापिएर विद्यार्थीको मृत्यु भएपछि धनगढीमा तनाव उत्पन्न

ग्रेडरले च्यापिएर विद्यार्थीको मृत्यु भएपछि धनगढीमा तनाव उत्पन्न

वि.सं.२०७९ मंसिर १५ बिहीवार १६:३६

  धनगढी: धनगढी उपमहानगरपालिका-५ हसनपुर पिपलचौतारा नजिकै  ग्रेडरले कुल्चिएर पञ्चोदय...

समानुपातिक तर्फको मत कुन दलको कति ?

समानुपातिक तर्फको मत कुन दलको कति ?

वि.सं.२०७९ मंसिर १५ बिहीवार १६:१६

  काठमाडौं: मंसिर ४ गते सम्पन्न भएको प्रतिनिधि सभा र...

राष्ट्रपतिको अन्तर्वार्ता प्रशारण नहुँदा शितल निवासमा खैलाबैला

राष्ट्रपतिको अन्तर्वार्ता प्रशारण नहुँदा शितल निवासमा खैलाबैला

वि.सं.२०७९ मंसिर १५ बिहीवार १३:०४

  काठमाडौं: नेपालका एक चर्चित टेलिभिजनले राष्ट्रपति विद्यादेवी भण्डारीसँग लिएको...

डीआईजी सहित २६ सय दरबन्दी थप्न नेपाल प्रहरीको प्रस्ताव

डीआईजी सहित २६ सय दरबन्दी थप्न नेपाल प्रहरीको प्रस्ताव

वि.सं.२०७९ मंसिर १५ बिहीवार १२:३६

  काठमाडौं: नेपाल प्रहरीमा एक प्रहरी नायव महानिरीक्षक (डीआइजी) सहित...

नेपाल इन्भेष्टमेन्ट बैंकले बोलायो ३६औं साधारण सभा, ११ प्रतिशत लाभांश प्रस्ताव

नेपाल इन्भेष्टमेन्ट बैंकले बोलायो ३६औं साधारण सभा, ११ प्रतिशत लाभांश प्रस्ताव

वि.सं.२०७९ मंसिर १५ बिहीवार १२:१८

  काठमाडौं: नेपाल इन्भेष्टमेन्ट बैंक लिमिटेडले पुस ७ गते ३६औं...