डोटी जिल्लामा एकैसाथ आठवटा अस्पतालको शिलान्यास
वि.सं.२०७७ मंसिर १५ सोमवार १२:३२
काठमाडौं: नेपाल सरकारले आज देशभरिका ३९६ अस्पतालको एकै साथ उद्घाटनको तयारी गरेको छ । डोटी जिल्लामा आज एकैसाथ आठवटा अस्पतालको शिलान्यास गरिने भएको छ ।
विसं २०३९ मा क्षेत्रीय अस्पतालका लागि जग्गा अधिग्रहण गरिएको दिपायल सिलगढी नगरपालिका-५ ग्वालासैनमा सुदूरपश्चिम प्रदेशका मुख्यमन्त्री त्रिलोचन भट्टले अस्पतालको शिलान्यास गर्ने कार्यक्रम तय भएको मुख्यमन्त्री कार्यालयले जनाएको छ ।
डोटी जिल्लाको पूर्वीचौकी, केआइसिंह, सायल, बडिकेदार गाउँपालिका र शिखर नगरपालिकामा १०-१० शय्याका अस्पतालको शिलान्यासको तयारी गरिएको जिल्ला स्वास्थ्य कार्यालयले जनाएको छ ।
सुदूरपश्चिम प्रदेशस्तरीय सरुवा रोगसम्बन्धी ५० शय्याको अस्पतालसहित जिल्लाका बोगटान फुड्सिल गाउँपालिकाको केदारअखडा प्राथमिक स्वास्थ्य केन्द्र र जोरायल गाउँपालिकाको सरस्वतीनगर प्राथमिक स्वास्थ्य केन्द्रमा १५-१५ शय्याको अस्पताल स्थापना हुने भएको छ ।
यो पनि पढ्नुहोस् :
वि.सं.२०७७ मंसिर १५ सोमवार १२:३२