अखबार नेपाल ट्रेन्डिङ

काठमाडौं:  सरकारले कोरोना भाईरस परीक्षण एन्टिजेन विधिबाट सुरु गरेको छ । एन्टिजेन विधिबाट परीक्षण गरेको आधा घण्टामा नै रिपोर्ट आउने छ ।

कोरोना संक्रमितको शरीरमा विकास हुने एन्टिबडीसंगै पीसीआरले झैं जीवाणु छ कि छैन भनेर पत्ता लगाउन र्‍यापिड टेस्ट किटमार्फत गरिने परीक्षणनै ‘एन्टिजेन विधि’ हो । डब्ल्युएचओको सहयोगमा यो विधीबाट परीक्षण थालिएको इपिडिमियोलजी तथा रोग नियन्त्रण महाशाखाले जनाएको छ । ।

काठमाडौं उपत्यकामा आजदेखि हरेक दिन ५ सय जनाको उक्त विधिबाट परीक्षण सुरू हुनेछ । यसको ‘सेन्सिटिभिटी’ राम्रो रहेकाले यो परीक्षण विश्वसनीय रहेको महाशाखाले जनाएको छ ।

हाल काठमाडौं महानगरपालिकाको वडा नम्बर ४, ७ र ९ का साथै महानगरपालिकाका जोखिमयुक्त स्थान गौरीघाट, चाबहिल, विशालनगर, धुम्बाराही, बत्तीसपुतली र मित्रपार्कमा आजदेखि उक्त विधिबाट परीक्षण थालिएको छ ।

उपत्यकामा यो प्रभावकारी देखिए मास स्क्रिनिङ सुरू गरिने र यसको प्रयोग सुरक्षाकर्मीका ब्यारेक तथा स्कूल कलेजमा पनि गर्ने योजना रहेको महाशाखाले जनाएको छ । एन्टिजेन परीक्षण विधि अमेरिका, दक्षिण कोरिया लगायतका मुलुकले अवलम्बन गर्दै आएका छन् ।

यो पनि पढ्नुहोस् :

https://www.akhabarnepal.com/%e0%a4%95%e0%a5%8b%e0%a4%b6%e0%a5%80-%e0%a4%b0%e0%a4%be%e0%a4%9c%e0%a4%ae%e0%a4%be%e0%a4%b0%e0%a5%8d%e0%a4%97%e0%a4%ae%e0%a4%be-%e0%a4%8f%e0%a4%ae%e0%a5%8d%e0%a4%ac%e0%a5%81%e0%a4%b2%e0%a5%87%e0%a4%a8/