अखबार नेपाल ट्रेन्डिङ

सुर्खेतः कोरोना भाइरसको जोखिम बढेपछि कर्णाली प्रदेशलाई अनिश्चितकालका लागि ‘सिल’ गरिने भएको छ । सोमबार बसेको प्रदेश विपद् व्यवस्थापन समितिको बैठकले जोखिम बढेको भन्दै अनिश्चिकालका लागि सबै नाकामा ‘सिल’ गर्ने निर्णय गरेको हो ।

छिमेकी जिल्लामा कोरोना भाइरसको सङ्क्रमण बढ्न लागेपछि नाकामा सिल गर्ने निर्णय गरेको सामाजिक विकासमन्त्री दल बहादुर रावलले जानकारी दिए । उनका अनुसार अर्को सूचना नआएसम्मका लागि सबै नाका ‘सिल’ गरिएको छ । खाद्यान्नसहित अत्यावश्क वस्तुका गाडीलाई भने निगरानीमा राखेर भित्र्याइने जानकारी दिए ।