अखबार नेपाल ट्रेन्डिङ

काठमाडौं: कोभिड-१९ रोकथाम र लैंगिक समानताको क्षेत्रमा योगदान पुर्याए बापत चार नेपाली महिला अष्ट्रेलिया अवार्डबाट सम्मानित भएका छन् ।

अवार्ड प्राप्त गर्नेहरुमा राष्ट्रसंघीय जनसंख्या कोषकी सहायक प्रतिनिधि लतिका मास्के प्रधान, वैकल्पिक ऊर्जा प्रवद्र्धन केन्द्रकी वरिष्ठ वातावरणविद् डा. अनुश्या जोशी, युनिसेफ भैरहवाकी खाद्य अधिकृत मीना थापा र राष्ट्रिय दलित समाज कल्याण कोषकी कार्यक्रम अधिकृत शान्ति ब्रम्हाशाखा छन् ।

१०९ औं अन्तराष्ट्रिय महिला दिवसको अवसरमा यी चार नेपालीलाई पुरस्कृत गरिएको नेपालस्थित अष्ट्रेलियाली राजदूत फेलिसिटी भल्कले जानकारी दिइन् ।