काठमाडौं: वागमती प्रदेशका मुख्यमन्त्री डोरमणि पौडेलविरुद्ध नेकपाको प्रचण्ड-नेपाल पक्षले अविश्वास प्रस्ताव दर्ता गराएको छ ।

राजीनामा दिएका मन्त्री शालिकराम जमकरट्टेल सहितले प्रदेशसभा सचिवालयमा गएर अविश्वास प्रस्ताव दर्ता गराएका हुन् ।

प्रचण्ड–माधव पक्षले अविश्वास प्रस्ताव दर्ता गरेसँगै वागमती प्रदेशका मुख्यमन्त्री पौडेल अल्पमतमा परेका छन् । ११० सदस्यीय प्रदेशसभामा नेकपाका ८० जना सांसद छन् ।

पार्टी विभाजनपछि तीमध्ये तत्कालीन एमालेका ५८ जना थिए । संसदीय दलको निर्वाचनमा डोरमणिले अष्टलक्ष्मी शाक्यलाई २४ काविरुद्ध ३४ मत ल्याएर पराजित गरेका थिए ।

तत्कालीन माओवादीका २२ सांसद समेत थप्दा अब प्रचण्ड–माधव पक्षमा ४६ सांसद छन् भने ओली पक्षमा ३४ जना छन् ।

सरकार गठन गर्न दुवै पक्षले कांग्रेसको साथ लिनुपर्नेछ । तर त्यसअघि नै प्रदेशसभा भंग हुनसक्ने चेतावनी प्रधानमन्त्रीले सांकेतिक रुपमा दिइसकेका छन् ।

प्रधानमन्त्री ओलीद्वारा मन्त्रिपरिषद् विस्तार हुँदै