अखबार नेपाल ट्रेन्डिङ

काठमाडौं: नेपाल सरकारले यातायात व्यवसायीलाई गाडीको पुरै सिटमा यात्रु राख्न पाउने र पहिलेकै अवस्थामा भाडा लिनुपर्ने निर्णय गरेको छ ।

तर यसलाई यातायात व्यवसायीले पालना गरेको भने पाईएको छैन । सरकारले यात्रु सिटमा पुरै राखे पनि भाडा पहिलेकै र कोराना संक्रमण हुन सक्ने भन्दै सर्तकता चाहि अपनाउनुपर्ने बताईएको छ ।

यातायात व्यवसायीले यो कुरा थाहा पाएपनि अझै भाडा बढी लिईरहेको सार्वजनिक यातायातमा सवार जो कोहीलाई जानकारी छ ।

यो अखबार नेपाल प्रतिनिधि पनि सार्वजनिक सवारीसाधन प्रयोग गरेरै दैनिक कार्यालय आउजाउ गर्ने गरेको छ । सोही कारण यो कुरा जानकारीमा आएको हो । सार्वजनिक यातायातमा सवार जोकोहीले भाडा तिर्ने बेलामा भाडा कति हो ? भन्दै सोध्ने र भाडा तिर्ने गरेको छ ।

भाडा तिर्दा बढी भन्दा प्रतिप्रश्न गरेका छन् । सरकारले त भाडा पहिलेकै लिने भनेको होईन र ? भनेर सोध्दा सहचालकले सजिलै उत्तर दिने गरेको छ । हो त्यो कुरा त हामीलाई पनि थाहा छ ।

तर, क्यार्नु तेल खर्च नै उठ्दैन । त्यति मात्र होईन हाम्रो पनि परिवार छ उनीहरुलाई खाना खुवाउनुपदैन र हामीले ?

सहचालकको यस्तो प्रतिप्रश्न आएपछि के यात्रुको मन पग्लिदैन र ? पक्कै पनि पग्लिन्छ र पैसा दिन्छ अनि आफ्नो गन्तव्यतिर लाग्छन् । त्यसमाथि अहिले सार्वजनिक सवारी साधनको प्रयोग गर्ने सर्वसाधारण कम छ । यस्तो अवस्थामा यातायात व्यवसायीले पनि चालक र सहचालकको मर्का बुझिदिनुपर्ने हो कि सर्वसाधारण जनताले मात्र ?