अखबार नेपाल ट्रेन्डिङ

काठमाडौं: नेपाल विद्युत प्राधिकरणको प्रमुख कार्यकारी अधिकृतबाट कुलमान घिसिङलाई हटाएपछि अहिले त्यसको चौतर्फी बिरोध आईरहेको छ ।

घिसिङलाई प्राधिकरणबाट हटाएपछि त्यसको बिरुद्धमा सडकदेखि सामाजिक संजालबाट आम नागरिकहरुबाट विरोधको क्रम अझै पनि रोकिएको छैन ।

कुलमानको चार वर्षे कार्यकाल भदौ ३१ गते सकिदै थियो । जलस्रोत तथा उर्जामन्त्री वर्षमान पुनले मन्त्रीपरिषदमा उनको पुनः नियुक्तिका लागि प्रस्ताव नलगेकाले कुलमानको कार्यकाल नथपिएको तथ्य हालै सार्वजनिक भएको छ ।

उर्जामन्त्री पुनले आफ्नो सचिवालयको कमजोरीका कारण यस्तो गल्ती भएको प्रधानमन्त्री समक्ष दुखेसो पोखेका छन् ।

यसअघि प्रधानमन्त्री केपी शर्मा ओलीका कारण कुलमानको कार्यकाल थप नभएको स्पष्टोक्ति दिएका मन्त्री पुनले गत ५ गतेको मन्त्री परिषदको बैठकमा प्रधानमन्त्री ओलीले यस सम्बन्धि प्रस्ताव मन्त्रीपरिषदको बैठकमा ल्याउनुभएको थियो भनेर प्रतिप्रश्नपछि मन्त्री पुन रातोपिरो हुँदै सचिवालयले गल्ती गरेछ प्रधानमन्त्री ज्यु क्षमा पाऊँ अब यस्तो हुने छैन भन्दै तर्केका थिए ।

त्यसबेला प्रधानमन्त्री ओली कडा रुपमा प्रस्तुत भएका थिए भने मन्त्री पुन गरुङको छायाँ परेको सर्प झै लत्र्याकलुत्रुक भएको बैठकमा उपस्थित एक जना मन्त्रीले बताए ।