अखबार नेपाल ट्रेन्डिङ

काठमाडौं : नेपाल कम्युनिष्ट पार्टी(नेकपा) भित्र मन्त्री मण्डल विस्तारको कुरा झन पेचिलो रुपमा प्रस्तुत भईरहेको छ ।

नेकपाका अध्यक्ष एवम् प्रधानमन्त्री केपी शर्मा ओली र अर्का अध्यक्ष पुष्पकमल दाहालबीच लगातार दुई दिनदेखि मन्त्री मण्डल पुर्नगठनका लागि बसेको र्बैठकले कुनै ठोस रुप लिन सकेको छैन ।

मन्त्रीमण्डल पुर्नगठनको लागि दुई अध्यक्षबीच बैठक बसे पनि कुरा नमिल्दा मन्त्रीमण्डल पुर्नगठनमा ब्रेक लाग्दै आएको हो । आजभोली नै मन्त्रीमण्डल पुर्नगठन गर्ने सोचका साथ अध्यक्ष एवम् प्रधानमन्त्री ओली र अर्का अध्यक्ष दाहालबीच पटकी बैठक बसे पनि मूर्तरुप लिन सकेको छैन ।

तर अध्यक्ष दाहालले मन्त्री भई दुई वर्ष पुगेकालाई बिदा गरी नयाँ अनुहारलाई मन्त्री बनाउने र ओलीको केही मन्त्रीलाई नहटाउने कुरामा बिबाद हुँदा मन्त्रीमण्डल पुर्नगठनमा ढिला भएको समाचारहरु बाहिर आईरहेका छन् ।

यसै गरी नेकपाका उपाध्यक्ष वामदेव गौतम र पार्टी प्रवक्ता नारायणकाजी श्रेष्ठको विषयमा कुरा नमिल्दा मन्त्री मण्डल पुर्नगठनमा समस्या आएको कुरा पनि बाहिर आएको छ ।

दुई अध्यक्षबीच छलफल भए पनि टुङ्गोमा पुग्न नसक्दा यो समस्या ज्यु का त्युँ रहन पुगेको छ । यसले नेकपाभित्र आन्तरिक कलहले भुसको आगोको रुप धारण गरिरहेको राजनीतिक बृत्तमा कुरा चल्न थालेको छ ।