अखबार नेपाल ट्रेन्डिङ

काठमाडौं: साल्ट ट्रेडिङले निषेधाज्ञाको अवधिमा अत्यावश्यक खाद्य वस्तु तथा ग्यास अभाव भए साल्ट ट्रेडिङमा सम्पर्क गर्न सर्वसाधरणलाई आग्रह गरेको छ ।

काठमाडौं उपत्याकाभरि जुन सुकै स्थानमा सहुलियत दरमा दाल, चामल, चिनी, तेल, गेडागुडी तथा एसटीसी ग्यास सर्वसाधरणको आवश्याकता अनुसार बिक्री गरिने साल्ट ट्रेडिङकी प्रमुख कार्यकारी निर्देशक उर्मिला श्रेष्ठले बताउनु भयो ।

सर्वसाधरणले आफ्नो टोल क्षेत्रमा खाद्यवस्तु अभाव भए स्थानीय जनप्रतिनिधि वा टोलवासिहरुले सामूहिक रुपमा साल्ट ट्रेडिङमा सम्पर्क गर्न सक्ने श्रेष्ठले बताउनु भयो ।

यसअघि लकडाउनको समयमा घुम्ती सेवामार्फत सहुलियतको खाद्यवस्तु बिक्री गरेको कम्पनीले यसपटक ग्राहकको माग बमोजिम मात्रै बिक्री थाल्ने तयारी गरेको जनाएको छ ।