अखबार नेपाल ट्रेन्डिङ

काठमाडौं: सिन्धुपाल्चोकको मेलम्ची–११ मा पहिरो खस्दा ८ जना बेपत्ता भएकाहरुको पहिचान खुलेको छ ।

एकजनाको १ जनाको जिवितै उद्धार भएको छ । निरन्तरको वर्षापछि आएको बाढी पहिरोले थिचेर आठ जना बेपत्ता भएका हुन् । प्रदेश सरकारले निर्माण गर्न लागेको कभर्डहल निर्माण गर्दै गरेका कामदार बसेको घर पहिरोले पुरिएको हो ।

पुरिएका मध्ये एक जना भारतीय र अन्य वीरगञ्जका रहेको बताईएको छ । पहिरोबाट भारतिय नागरिक बारु साहको उद्दार गरि अहिले मेलम्ची प्राथमिक स्वास्थ्य केन्द्रमा उपचार भइरहेको जनाईएको छ ।

बेपत्ता हुनेहरुमा वीरगञ्जका वर्ष ४२ का राजेन्द्र चौरासिया, ३५ वर्षीय प्रदिप चौरसिया,२५ वर्षीय विक्रम थिंग,२३ वर्षीय मानबहादुर रुम्बा,२० वर्षीय सिमन घलान, २१ वर्षीय शिव बालक धामी, १७ वर्षीय सोनाम लामा र १ जना भारतिय नागरिक राजेन्द्र चौधरी रहेका छन् । बेपत्ताको नेपाली सेना, नेपाल प्रहरी, सशस्त्र प्रहरी, स्थानीयबाट खोजिकार्य भइरहेको छ ।