अखबार नेपाल ट्रेन्डिङ

काठमाडौं: रामेछाप काठमाडौं पत्रकार समाजले काठमाडौंमा रहेर विभिन्न सञ्चारमाध्यममा काम गरिरहेका रामेछाप जिल्लाका पत्रकारहरुलाई स्वास्थ्य सामाग्री वितरण गरेको छ । विश्वभर महामारीको रुप लिएको कोरोना भाइरस नेपालमा पनि तिब्र रुपले फैलिएसँगै समाचार संम्प्रेसनका लागि अग्रपंक्तिमा रहेर काम गरिरहेका पत्रकारहरुलाई ग्लोब्स, स्यानिटाईजर, मास्क र ज्याकेट वितरण गरेको हो ।

काठमाडौंको भृकुटीमण्डपमा आयोजित कार्यक्रममा जिल्लाका पत्रकारहरुको बाक्लो उपस्थितिमा आज असार १५ गते दहि चिउरा खाई कार्यक्रम सम्पन्न भएको थियो । कार्यक्रममा समाजका अध्यक्ष प्रेम गौतम, उपाध्यक्ष कमला रसाइली, महासचिव दीपेन्द्र गुरुङ र सचिव प्रज्वल पौडेलले काठमाडौमा रहि विभिन्न सञ्चारमाध्यममा आवद्ध भई कोरोना भाइरस विरुद्ध अग्रपंक्तिमा रहि जोखिमपूर्ण काम गर्नुपर्ने भएकोले जिल्लाका पत्रकारहरुलाई केही भएपनि राहत पुग्ने विश्वास लिएको बताए ।