अखबार नेपाल ट्रेन्डिङ

काठमाडौं: उपत्यकामा रगतको अभाव भएपछि ब्लड बैंकले स्वैच्छिक रक्तदानका लागि आग्रह गरेको छ । कोरोना भाइरसको संक्रमणको जोखिमका कारण मुलुक लकडाउन गरिँदा रगत संकलन कार्य प्रभावित भएकाले ब्लड बैंकले रक्तदानका लागि इच्छुक व्यनक्तिलाई आग्रह गरेको हो ।

रगत दिन योग्य र इच्छुक व्यएक्तिले आफूलाई पायक पर्ने ब्लड बैंकमा गएर रगत दिन सकिने नेपाल रेडक्रस सोसाइटी केन्द्रीय रक्तसञ्चाफर सेवाले अनुरोध गरेको छ । लकडाउनका समयमा उपत्यकामा रगतको अभाव भएपछि बैंकले दाताको घरघरै गएर रगत संकलन गरिरहेको छ । लकडाउन सुरु भएको भोलिपल्टैदेखि इच्छुक व्यतक्तिको घरसम्मै पुगेर रगत संकलन कार्य सुरु गरेको रेडक्रस सोसाइटीले जनाएको छ ।

यस्तै नियमित रुपमा रक्तदान गर्दै आएका व्यछक्तिले अहिले पनि बैंकसम्मै पुगेर रक्तदान गरिरहेका छन् । यसरी विभिन्न उपाय अपनाउँदै ब्लड बैंकले दैनिक ३५ देखि ४० पिन्टसम्म रगत संकलन गर्दै आएको छ । उपत्यकामा दैनिक ५० देखि ६० पिन्टसम्म रगतको माग हुँदै आएकाले माग पूरा गर्न नसकेको नेपाल रेडक्रस सोसाइटी केन्द्रीय रक्तसञ्चा५र सेवाले जनाएको छ ।