अखबार नेपाल ट्रेन्डिङ

काठमाडौं: लगतारको अविरल वर्षाका कारण सप्तकोसी नदीमा यस वर्षकै उच्च पानीको बहाव बढेको छ । लगातार परेको पानीका कारण कोशीमा पानीको सतह खतराको सूचीमा आएको छ ।

विहीबार रातिदेखि बढेको पानीको वहाव शुक्रबार बिहान ८ बजेको मापन अनुसार २ लाख ७ हजार ५ सय १५ पुगेको छ । अरु दिन सामान्य गतिमा रहेको पानी रहेकोमा कोशीमा विहीबार रातिदेखि भने निरन्तर वहाव बढ्दो गतिमा रहेको कोशी ब्यारेज प्रहरीका असई कुलबहादुर खत्रीले जनाकारी दिए ।

पानीको वहाब बढिरहेकाले गर्दा कोशी ब्यारेजका ५६ ढोकामध्ये अहिले ३० वटा ढोका खुल्ला राखिएको छ । कोशी ब्यारेजमा अहिले खतराको संकेत रातो बत्ती बालिएको छ । कोशी ब्यारेजमा पानीको बहाव एक लाख ५० हजार काट्ने वितिकै सर्वसाधारणलाई सचेत गर्नका निम्ति वत्ती बाल्ने गरिन्छ ।