अखबार नेपाल ट्रेन्डिङ

काठमाडौं: सुनसरी र गुल्मीमा भएका छुट्टाछुट्टै आगलागीबाट १५ लाख रुपैयाँ बराबरको धनमाल जलेर नष्ट भएको छ । सुनसरी, ईटहरी उपमहानगरपालिका-२ स्थित गोयल राईस मिलमा बुधबार दिउँसो मेसिनबाट आगो निस्किएर आगलागी हुँदा मेशिन तथा करिव २५ क्विन्टल धान जलेर करिब१० लाख रुपैयाँ बराबरको धनमाल नष्ट भएको छ ।

गुल्मी, कालिगण्डकी गाउँपालिका-६ कोरेङ बस्ने दिलबहादुर थापाको गोठमा हावाहुरीको कारण बुधबार साँझ करेन्ट सर्ट भई आगलागी हुँदा सोही ठाँउ बस्ने हुमबहादुर थापाको कच्ची घर र गोठमा समेत आगलागी भई करिब ५ लाख रुपैयाँ बराबरको धनमाल नष्ट भएको छ । स्थानीयबासी र दमकलको सहयोगमा प्रहरीले आगो नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।