अखबार नेपाल ट्रेन्डिङ

काठमाडौं: नेपालमा एकैदिन १४ जना कोरोना भाइरसका संक्रमित थपिएका छन् । उदयपुरमा १२ जना र चितवनमा दुई जनामा कोरोना संक्रमण पुष्टि भएको हो । नेपालमा शुक्रबार एकै दिन १४ जनामा कोरोना संक्रमण देखिएपछि संक्रमितको संख्या ३० पुगेको स्वास्थ्य तथा जनसंख्या मन्त्रालयले जानकारी दिएको छ ।

उदयपुरमा संक्रमित हुनेमा १२ जना नै पुरुष रहेका छन् । २० देखि ४० वर्ष उमेर समूहमा कोरोनाको संक्रमण पुष्टि भएको हो । भारतमा भएको मुस्लिम कार्यक्रमबाट नेपाल आई उदयपुरको मस्जिदमा लुकेर बसेको अवस्थामा उनिहरुलाई नियन्त्रणमा लिइएको थियो । उनीहरु मध्ये धेरैजसो भारतीय रहेको स्रोतले बताएको छ ।

यस्तै, चितवनमा पनि २ जनामा कोरोनाको संक्रमण पुष्टि भएको छ । राप्ति नगरपालिकाका उनीहरु २७ र ६३ वर्षिय पुरुष रहेको बताईएको छ ।