अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीले हिँडेर कसैलाई पनि गाउँ जान नदिन निर्देशन दिएका छन् । प्रधानमन्त्री ओलीले बालुवाटारमा मन्त्रिपरिषद्का सदस्य र उच्चस्तरीय समन्वय समितिका सदस्यसँग छलफल गर्दै यस्तो निर्देशन दिएका हुन् ।

मानिसहरु लकडाउनको बेला हिँडेरै आफ्नो गृह जिल्ला जान थालेका बेला समस्या परेका मानिसलाई खानाको व्यवस्था मिलाउन पनि निर्देशन दिएका छन् । पैदलै घर जान हिँडेकालाई जहाँ छन् त्यहीँ खान बस्नको व्यवस्था गर्ने वा जसरी पनि घर जान चाहनेलाई उच्च सुरक्षासहित जिल्ला सदरमुकामसम्म पुर्याउने र त्यहाँबाट स्थानीय तहको जिम्मा लगाउने विकल्पमा छलफल भएको बताईएको छ ।