अखबार नेपाल ट्रेन्डिङ

संखुवासभा: संखुवासभाको मादी नगरपालिका-१, खोला गाउँका एकै घरका ६ जनाको विभत्स हत्या भएको छ ।

आईतबार राति स्थानीय तेजबहादुर कार्कीको परिवारलाई अज्ञात समूहले धारिलो हतियार प्रयोग गरी हत्या गरेको जिल्ला प्रहरी कार्यालय संखुवासभाका प्रहरी प्रमुख डिएसपी लालध्वज सुवेदी जानकारी दिए ।

सोमबार बिहान छिमेकीले सबैलाई मृत अवस्थामा देखेपछि प्रहरीलाई खबर गरेका थिए । तेजबहादुर कार्कीसहित ८० वर्षीया पार्वता कार्की, ५८ वर्षीया तेजबहादुर कार्की, उनकी श्रीमती ५६ वर्षीया मनमाया कार्की, २८ वर्षीया बुहारी रञ्जना कार्की, १० वर्षीय नाती दीपक कार्की र पाँच वर्षीया नातिनी गोमा कार्कीको हत्या भएको हो ।

सोही परिवारका सदस्य अपांगता भएका अर्का एक जना भने जीवितै रहेको पाइएको छ ।