रामेछाप:  रामेछाप जिल्ला सदरमुकाम मन्थलीमा कृषि उपज संकलन तथा विक्रि केन्द्र संचालनमा आएको छ । पौरखि युवा कृषि सहकारी संस्थाले मन्थली नगरपालीका र फलफुल तथा तरकारी मुल्य श्रृखला विकास आयोजनाको आर्थिक सहयोगमा आईतबार बाट उक्त केन्द संचालनमा आएको हो ।

उक्त केन्द्रको आईतबार मन्थली नगरपालीका प्रमुख रमेश कुमार बस्नेतले एक समारोहका विच उद्घाटन गर्नु भएको छ । जिल्ला समन्वय समिति नजिकै मन्थली नगरविकास समितिको ट्रष्टमा संचालनमा ल्याईएको उक्त केन्दको काम गराईका आधारमा थप ब्यबस्थापनका लागी नगरपालीकाले भोलीका दिनमा पनि थप सहयोग गर्ने प्रमुख बस्नेतले बताउनु भयो ।

उहाँले केन्द्रको संचालन संगै तरकारी तथा फलफुल ब्यवसायमा देखिएको विचौलीयाहरुको दबदबाबाट कृषकहरुले मुक्ती पाउने विश्वास ब्यक्त गर्नु भयो । उहाँले भन्नु भयो जिल्लामा अहिले सम्म कृषि तथा फलफूल संकलन केन्द्र संचालनमा आउन नसक्दा उत्पादक कृषकहरु समस्यामा परेकोले पनि त्यसको समाधानका लागि मन्थली नगरपालीका लागि रहने बताउनुभयो ।

कार्यक्रमको अध्यक्ष समेत रहेका संचालक संस्थाका अध्यक्ष सुन्दर घिमिरेले सदरमुकाम जस्तो मुख्य बजारमा अहिले सम्म तरकारी संकलन तथा कृषि उपज केन्दको अभावमा कृषकहरुले आफनो तरकारी सडकमा राखेर कौडिको मुल्यमा विक्रि गर्दे आएकोले मन्थलीमा केन्द्रको संचालन पछि उनिहरुको उत्पादनलाई विक्रिको लागि सहज बाताबरण बन्ने जानकारी दिनुभयो ।

कार्यक्रममा जिल्ला कृषि सहकारी संघका कार्यवाहक अध्यक्ष हिमाल ढुंगेल, नेपाल पत्रकार महासंघ रामेछापका अध्यक्ष रमेश ढुंगेल रामेछाप उद्योग बाणिज्य संघका अध्यक्ष केशब घिमिरे लगायतले पनि वोल्नु भएको थियो ।

यो पनि पढ्नुहोस् :

बुधबार प्रधानमन्त्री ओलीलाई खोप लगाउदै शुरु हुने भो कोरोनाबिरुद्धको खोप अभियान