काठमाडौं:  सेयर कारोबारमा ‘टी प्लस टु’ कार्यान्वयनमा आएको छ । टी प्लस टु लागू भएसंगै सेयर राफसाफ तथा फछ्र्यौ प्रक्रिया दुई दिनभित्रै सम्पन्न हुने भएको हो ।

तीन दिनभित्र कारोबार सम्पन्न हुने चक्रिय प्रणालीलाई ‘टी प्लस थ्री’ र दुई दिनभित्र सम्पन्न हुने राफसाफ प्रक्रियालाई ‘टी प्लस टु’ भनिएको हो । सीडीएस एण्ड क्लियरिङ लिमिटेडले सेयर बजारमा ‘टी प्लस टु’ कार्यान्वयनमा ल्याएको हो । कारोबार भएको तेस्रो दिन अर्थात पर्सीपल्ट नै राफसाफ तथा फछ्र्यौट हुने सीडीएस लिमिटेडले जनाएको छ ।

नयाँ व्यवस्थाअनुसार अब धितोपत्रको बिक्री कारोबार गर्ने लगानीकर्ताले आफूले बेचेको धितोपत्रको राफसाफ तथा फछ्र्यौटका लागि ईडीआईएस जारी गर्दा कारोबार भएको मितिको भोलिपल्टै जारी गरि सक्नुपर्नेछ । अब सेयर खरिद गर्नेले दुई दिनभित्रै भुक्तानी दिनु पर्ने हुन्छ भने बिक्री गर्नेले पनि दुई दिनभित्रै कारोबार सेटल गरिसक्नु पर्ने हुन्छ ।

यदि यो सम्भव भएन भने कारण खुलाएर ईडीआईएस जारी गर्न नसक्ने लगानीकर्ताले कारोबार भएको मितिको भोलिपल्ट (टी प्लस वान) भित्र भौतिक निर्देशन पुर्जी जारी गरी सम्बन्धित शेयरधनीलाई बुझाउनु पर्नेछ ।

छिटो राफसाप भए शेयर किनेको मान्छेलाई पुनः शेयर बिक्री गर्न पनि चाँडै पाउँछन् । पछिल्लो समय अनलाइन कारोबार बढ्दै गएको अवस्थामा ‘टी प्लस टु’ले बजारलाई राम्रो असर गर्ने देखिएको छ ।

लगानीकर्ताका लागि एक दिनको समय धेरै ठूलो हो । यसले महिनामा चार दिन थप गर्छ । चार दिनमा शेयर बजार कहाँ पुग्छ पुग् नि उनले भने । लगानीकर्ताको डिमाण्डमा सीडीएससीले यो व्यवस्था ल्याएको हो, सीईओ आचार्यले भने लगानीकर्ताको हितमा ल्याइएको र उनीहरूलाई यसले थप जिम्मेवार पनि बनाएको छ ।

यो पनि पढ्नुहोस् :

सरकारले राष्ट्रिय जनगणनाको लागि ४८ हजार कर्मचारी भर्ना गर्ने