अखबार नेपाल ट्रेन्डिङ

काठमाडौं: नेपालको प्रजातान्त्रिक आन्दोलनका अग्रज व्यक्ति, कुशल नेतृत्वकर्ता, नेपाली कांग्रेस ओखलढुंगा तथा जिल्ला विकास समितिका पूर्व सभापति एवम् नेपाली कांग्रेसका महाधिवेशन प्रतिनिधि महेशकुमार कोर्मोचाको गएराति निधन भएको छ ।

लामो समयदेखि प्रोस्टेटको समस्याले थलिएका कोर्मोचाको निमोनियाबाट निधन भएको बीएन्डबी अस्पतालले जनाएको छ । टिमुरबोटे काण्डबाट बालबाल बच्न सफल उनलाई जिउँदो सहिद भनेर पनि चिन्ने गरिन्छ । कोर्मोचालई पञ्चायती कालखण्डमा मृत्युदण्डको सजाय सुनाइएका र ब्रिटिस सेनाको जागिर छाडेर नेपालको प्रजातान्त्रिक आन्दोलनमा लागेका आन्दोलनका योद्धा लामो समय जेल र प्रवासमा जीवन बिताएका नेपाली कांग्रेस ओखलढुंगाका पूर्व पार्टी सभापति, जिविस सभापति समेत भएका थिए । दुई पटक ओखलढुंगा जिल्ला सभापति समेत रहेका कोर्मोचा बीपी कोइरालासँग जोडिने थोरैमध्येका एक व्यक्ति हुन् ।

यस्तो छ पार्टीमा उनले हाँसिल गरेको अनुभव

– सदस्य, जिल्ला कार्य समिति नेपाली कांग्रेस ओखलढुंगा (२०२४–०३७)

– कमाण्डर, सशस्त्र आन्दोलन (२०३१)

– साङ्गठन सचिव, नेपाली कांग्रेस जिल्ला कार्य समिति ओखलढुंगा (२०३७–०३९)

– प्रचार प्रसार सचिव, नेपाली कांग्रेस ओखलढुंगा (२०३९–०४४)

– सचिव (जिल्ला समिति) नेपाली कांग्रेस ओखलढुंगा (२०४४–०४९)

– सदस्य गाउँ विकास समिति खिजी (२०४३-०४६)

– जेल जीवन (२०२७–०३३ सम्म दुइ पटक भारतमा समेत गरी दश पटक गिरफ्तारी)

– जेल जीवन, (२०३३–०३७ सम्म लगातार ५ वर्ष

– ब्रिटिश आर्मीमा सेवा (इ.सं. १९६०–१९६८)

– उपसभापति (स्ववियु) नेशनल कलेज काठमाडौं (२०२७)

– सदस्य, नेका जिल्ला कार्य समिति ओखलढुंगा (२०४९–०५२)

– केन्द्रीय सदस्य, नेपाल मानव अधिकारी संगठन ओखलढुंगा

– सभापति, जिल्ला विकास समिति ओखलढुंगा (२०४९–०५४)

– संरक्षक सदस्य, जेपी प्रतिष्ठान, (२०५१–०५४)

– सभापति, नेपाली कांग्रेस जिल्ला कार्य समिति ओखलढुंगा (२०५३–०५६)

– संयोजक, संगठन उपसमिति नेपाली कांग्रेस (२०५३–०५६)