पहिरोमा पुरिएर रामेछापको फर्पुमा तीन जनाको मृत्यु

वि.सं.२०८१ साउन ११ शुक्रवार ०९:४५
789
shares
रामेछाप: रामेछाप जिल्लाको गोकुलगंगा गाउँपालिका-६ फर्पुमा बिहीबार साँझ पहिरोमा परेर तीन जनाको मृत्यु भएको छ । रामेछाप प्रहरीका अनुसार पहिरोमा परेर १७ वर्षीया सीता तामाङ, १५ वर्षीया आशिका तामाङ र १३ वर्षीया लक्ष्मी तामाङको मृत्यु भएको जिल्ला प्रहरी कार्यालय रामेछापले जनाएको छ ।
पहिरोको जोखिममा रहेका केही घरका स्थानीयको उद्धार भएको छ । रामेछाप प्रहरीका अनुसार खेतमा काम गरेर चाँडै घर फर्किएका तीन जनालाई घरसँगै पहिरोले छोपेको हो । उद्धारका लागि प्रहरीको टोली रातिदेखि सक्रिय भएपनि अहिले थप विवरण आइनसकेको जिल्ला प्रहरीले बताएको छ ।

वि.सं.२०८१ साउन ११ शुक्रवार ०९:४५