अखबार नेपाल ट्रेन्डिङ

रामेछाप: नेपाली काङ्ग्रेसका युवा नेता तथा समाजसेवी उमाकुण्ड गाउँपलिका वडा नम्बर ७ निवासी तोरण सुनुवारले भुजीमा रहेको कास्थेम माविका सबै विद्यार्थीहरुलाई टाई र बेल्ट सहयोग प्रदान गरेका छन् ।

युवा नेता तथा समाजसेवी सुनुवारले आफुले कमाएको केहि कमाईको रकमबाट आफ्नो गाउँठाउँको स्कुलका भाईबहिनीहरुलाई सहजिकरणका लागि टाई र बेल्ट सहयोग गरेको बताए । सुनुवारले उमाकुण्डको भुजीमा मात्र नभई अन्य ७ वटै वडाका विद्यालयका विद्यार्थी भाईबहिनीहरुलाई आफूले सकेको सहयोग प्रदान गर्ने बताए । सुनुवारले आगामी दिनमा पनि सहयोग गर्ने वचन दिँदै सोही विद्यालयलाई कम्प्यूटर र ट्रय्यकसुट पनि दिने प्रतिवद्धता व्यक्त गरे ।

विद्यालय व्यवस्थापन अध्यक्ष तेज बहादुर श्रेष्ठ र कास्थेम माविका प्रधानाध्यापक दिनेश कुमार सुनुवारको उपस्थितिमा युवा नेता तथा समाजसेवी तोरण सुनुवारले टाई र बेल्ट सहयोग प्रदान गरेका थिए । विद्यालयलाई सहयोग गरेकोमा धन्यवाद दिँदै प्रधानाध्यापक दिनेश कुमार सुनुवारले आगामी दिनमा पनि सहयोगको अपेक्षा सहित धन्यवाद दिएका थिए ।