अखबार नेपाल ट्रेन्डिङ

काठमाडौं: श्री चण्डेश्वरी संरक्षण समिति मगर समाज उपभोक्त समिति नुवाकोटको खानीगाउँमा मगर समुदायको लोपोन्मुख परम्परागत संस्कृतिक घाँटु नाचका साथै वृहत सांस्कृतिक कार्यक्रम २०८१ सम्पन्न भएको छ ।

लिखु गाउँपालिकाको अध्यक्ष ध्रुव श्रेष्ठको प्रमुख आतिथ्यमा कार्यक्रम सम्पन्न भएको हो । प्रमुख अतिथि श्रेष्ठले धर्म संस्कृति जगेर्न गर्न स्थानीय तहको कर्तव्य रहेको बताउँदै स्थानी तहको आउँदो बजेटमा लोपोन्मुख घाँटु नाचको संरक्षण सम्बर्द्धन तथा भौतिक पूर्वधार निर्माणका निम्ति पालिकाबाट खानीगाउँलाई विशेष बजेट विनियोजन गर्ने प्रतिबद्धता व्यक्त गरे । त्यसैगरी कार्यक्रममा स्थानीय जनप्रतिनिधि लगायत विभिन्न संघ संस्थामा आवद्ध व्यक्तिहरुले पनि आ-आफ्नो भनाईसँग प्रतिवद्धता व्यक्त गरेका थिए ।

कार्यक्रम सफल पार्नका निम्ति देश विदेशमा रहेका विभिन्न संघ संस्था, समाजसेवी, व्यवसायि उपस्थित अतिथि तथा कलाकार, सञ्चारकर्मी लगायत सहयोगी हातहरुलाई धन्यवाद सहित अध्यक्ष सुनिल थापा मगरले मायाको चिनो र प्रमाण-पत्र वितरण गरेका थिए । घाँटु नाच समापनसँगै वृहत सांस्कृतक कार्यममा कलाकारहरुको बेजोड प्रस्तुति रहेको थियो । कार्यक्रमको सञ्चालन भने गायक रमेश श्रेष्ठ ‘मेलोडि’ले गरेका थिए ।

तस्बिरः सुबास मुखिया सुनुवार