अखबार नेपाल ट्रेन्डिङ

काठमाडौं: प्रकृतिपूजक किराँत जातिले देशभर उभौली चाड हर्षोल्लासका साथ मनाएका छन् । किराँती प्रकृतिपूजक भएकाले प्रकृतिलाई खुशी पार्न हरेक वर्ष यो पर्व उभौली र उधौली गरि दुई पटक मनाइन्छ । किरात सुनुवार, राई, लिम्बूले ढोलझ्याम्टाका साथ ष्याँदर र साकेला नाच्दै उपत्यकाको हात्तिवन र काठमाडौंको गोकर्णमा उभौली चाड भव्यताका साथ मनाएका छन् । उभौली चाड मौसमसँग सम्बन्धित छ । अन्नबाली सप्रियोस्, खाद्यान्नको कमी नहोस् र सुख शान्ति प्राप्त होस् भन्ने उद्देश्यका साथ यो चाड मनाउने गरिन्छ । किरात राईहरूको बसोबास रहेको प्रदेश नम्बर १ अन्तर्गतका पूर्वी पहाडी जिल्लाका ओखलढुंगा, धरान, इटहरी, गाईघाट, कटारी, मोरङ तथा बागमती प्रदेशका रामेछाप, सिन्धुली, दोलखा राजधानी काठमाडौँ आदि सहरमा रहेका सुनुवार र राई समुदायले यो चाड धुमधामका साथ मनाउने गर्छन् ।

तस्बीरमा उभौली चाडः