अखबार नेपाल ट्रेन्डिङ

कपिलवस्तु: कपिलवस्तुको शिवराज नगरपालिका–१ सुरही पुलनजिकै यात्रुवाहक बस दुर्घटना हुँदा १० जनाको मृत्यु भएको छ भने कम्तीमा ३० जना घाइते भएका छन् । मृतकहरूको सनाखत भई नसकेको जिल्ला प्रहरी कार्यालय कपिलवस्तुले जानकारी दिएको छ ।

कञ्चनपुरको महेन्द्रनगरबाट काठमाडौं आउँदै गरेको सुनौलो महाकाली  यातायातको सु– प – प्र–०२–००१ ख ००९८ नम्बरको बस बाटोबाट २०० मिटर तल खसेको हो । घाइतेमध्ये ९ जनालाई उपचारका लागि बुटवल रिफर लगिएको छ । अन्य घाइतेको उपचार सञ्जीवनी र आधारभूत अस्पतालमा भइरहेको प्रहरीले जनाएको छ ।