अखबार नेपाल ट्रेन्डिङ

चितवन: नारायणघाट-मुग्लिन सडकखण्डको त्रिशूली नदीमा खसेको गाडी भारतीय नम्बर प्लेटको बोलेरो रहेको सशस्त्र प्रहरीको गोताखोर टीमले पत्ता लगाएको छ । जिल्ला प्रहरी कार्यालय चितवनका अनुसार बीआर ०९ जीसी १४३० नम्बरको सिङ्गल क्याब भएको बोलेरो बताईएको छ ।

इच्छाकामना गाउँपालिका-५ स्थित राजमार्गबाट नदी भित्रबाट गाडीको बत्ति बलेको स्थानीयले आज बिहान देखेको भन्दै खबर गरेका थिए । जानकारी पाएलगत्तै घटनास्थल पुगेका सुरक्षाकर्मीले भारतबाट आएको बोलेरो गाडी फेला परेको जानकारी दिएको छ ।

बिहानैदेखि नेपाली सेना, वडा प्रहरी कार्यालय नारायणगढमा रहेको विपद् व्यवस्थापनको डुङगासहितको टोली र विपद् व्यवस्थापन तालिम शिक्षालय कुरिन्टारबाट सशस्त्र प्रहरी निरीक्षकको कमाण्डमा गोताखोरको टोली उद्धार र खोजीमा खटिएको छ ।