अखबार नेपाल ट्रेन्डिङ

मुगु: मुगुकोको गमगढी बजार मुगुमा गएराति आगलागी हुँदा तीन घर जलेर नष्ट भएको छ । गएराति करिब साढे १२ बजे तिर फैलिएको आगोले प्रदीप रावल, पुतली मल्ल र सान्त्वना खत्रीको घर जलेर पूरै नष्ट भएका छन् ।

आगो नियन्त्रणमा लिने क्रममा जंग शाहीको घर समेत भत्काइएको प्रहरीले जनाएको छ । विजय होटल रहेको रावल र मल्लको एउटै छाना भएको घरबाट आगलागी शुरु भएको थियो । आगलागीका कारण मल्लको घरमा रहेको विजय होटल, नरेश मल्लको कम्प्युटर पसल र वडाध्यक्ष पदम मल्लको कपडा पसल जलेर नष्ट भएका छन् । सँगै रहेको मोबाइल पसल, टेलर पसल र हेएर कटिङ लगायत अन्य खुद्रा पसलका सामान काम नलाग्ने अवस्थामा छन् ।

कम्प्युटर तथा इलेक्ट्रोनिक पसलमा विद्युत् सटभई आगलागी भएको अनुमान गरिएको छ । करिब ५ घण्टा लगातार लागेको आगो नेपाल प्रहरी, रेडक्रस नेपाल र समुदायको सक्रियतामा नियन्त्रणमा लिइएको हो । यो बजारमा अधिकांश घर काठले बनेका कारण वर्षैपिच्छे आगलागीका घटना हुने गरेका छन् ।