अखबार नेपाल ट्रेन्डिङ

काठमाडौं: यातायात मजदुर र व्यवसायीहरूको आन्दोलनका कारण नयाँ बसपार्कस्थित ल्होत्से मलको संरचना तोडफोड गरी वितण्डा मच्चाएको थियो ।

सोही बीचमा ल्होत्से मलमा रहेका मोबाइल पसलमा ठूलो क्षति हुनेगरी संरचना तोडफोड भएको छ । ल्होत्से मलको मोबाइल पसल फुटाई लुटपाट गरिएको र त्यसमा ८ करोड क्षति भएको दाबी गरिएको छ ।

उक्त मोबाइल पसका प्रोपाइटर अर्जुन चालिसेका अनुसार सबै सामानहरुको क्षति हेर्दा प्रारम्भिक रुपमा ८ करोड बढीको क्षति भएको हो ।

पीडित व्यवसायीले पत्रकार सम्मेलन आयोजना गरी उक्त जानकारी दिए । चालिसे नेपाल मोबाइल व्यवसायी महासंघका उपाध्यक्ष समेत हुन् । देशभरका मोबाइल व्यवसायीले क्षतिपूर्ति पाउनुपर्ने विषयमा समर्थन समेत जनाएका छन् ।