अखबार नेपाल ट्रेन्डिङ

काठमाडौं: विकल्प ज्ञान तथा विकास केन्द्र नेपालले २०औं वार्षिकोत्सव मनाएको छ । आफ्नै कार्यालय परिसरमा आज एक कार्यक्रमकाबीच संस्थाले आफ्नो वार्षिकोत्सव मानाएको हो ।

नेपालका लागि इजरायली राजदुत हानान गोदेर (Hana Goder) को प्रमुख आतित्थ्यमा र संस्थाकी अध्यक्ष डा. क्षेतेन योञ्जनको अध्यक्षतामाकार्यक्रममा सम्पन्न भएको थियो भनेविशेष अतिथिमा प्रतिनिधि सभाको उप-सभामुख इन्दिरा रानमगर उपस्थित भएकी थिईन ।

कार्यक्रममा प्रमुख अतिथि राजदुत हानान गोदेरले विकल्पले महिला तथा बालबालिकाको शिक्षाकालागि गरेको योगदानको प्रशंसा गर्दै विकल्पलाई शुभकामना दिएका थिए । त्यस्तै विशेष अतिथि उप-सभामुख रानमगरले सामाजिक संस्थामार्फत आफुले विगतमा बालबालिकाकालागि गरेका काम तथा अनुभव सुनाउँदै शुभकामना व्यक्त गरिन ।

कार्यक्रममा संस्थाकी संस्थापक निर्देशक स्टेला तामाङले स्वागत मन्तव्य दिएकी थिईन् । उनले दृढ ईच्छा शक्ति भयोभने असम्भव भन्ने कुरा केही छैन भन्दै त्यहि दृढ ईच्छा शक्तिको उपज आजको विकल्प भएको बताईन् । शिक्षा र बालबालिकाको क्षेत्रमा लामो समय कामगरेकी तामाङले कार्यक्रममा आफ्ना जीवनका संघर्ष तथा अनुभव समेत सुनाईन् ।

कार्यक्रममा पूर्व सभामुख दमननाथ ढुंगाना, सेतो गुराँसकी संस्थापक अगथा थापा, प्रेफेसर विरेन्द्र मिश्र, महेन्द्र बौद्ध बिद्यालयका स्रोत व्यक्ति यमनाथ चौलागाईलगायत अतिथि रहेका थिए । कार्यक्रममा उप-सभामुख इन्दिरा रानमगर र अगथा थापालाई बालबालिकाको क्षेत्रमा पुरयाएको योगदानको कदर गर्दै सम्मान समेत गरिएको थियो ।

संस्थाकी सहायक निर्देशक हेलिना राईले सञ्चालन गरेको कार्यक्रममा विभिन्न संघ संस्था तथा विद्यालयका प्रतिनिधि, सञ्चारकर्मी, सुरक्षाकर्मीलगायतको उपस्थिति रहेको थियो ।