अखबार नेपाल ट्रेन्डिङ

काठमाडौं: साउदी अरबमा हज गर्न जाने पहिलो टोलीलाई आज विदाइ गरिएको छ । आज बिहान एक सय ५६ सदस्यीय पहिलो टोलीलाई त्रिभुवन अन्तर्राष्ट्रिय विमानस्थलबाट विदाइ गरिएको हो ।

टोलीलाई गृहमन्त्री रामबहादुर थापा बादलले बिदाइ गरेका छन् । बिदाइ कार्यक्रममा परराष्ट्रमन्त्री प्रदीप ज्ञवाली, सहरी विकास मन्त्री मोहम्मद इस्तियाक राई लगायत उपस्थित थियो । त्यसैगरी, नेपालका लागि साउदी र युएईका राजदूतहरु पनि विमानस्थल पुगेका थिए । यस पटक साउदी अरबको मक्का मदिनामा १५ सय नेपाली हज गर्न जानेछन् ।

अघिल्लो वर्ष १२ सय जनाको कोटा थियो । बिदाइ कार्यक्रममा गृहमन्त्री थापाले नेपाली हज टोलीको तीन सय कोटा बढाउन सरकार सफल भएको बताएका छन् । उनले सबै धर्मको संरक्षण संबर्द्धन गर्न सरकार प्रतिबद्ध रहेको पनि बताए ।