अखबार नेपाल ट्रेन्डिङ

काठमाडौं: मनसुन न्यून चापीय रेखा नेपालको दक्षिणीतिर सरेसँगै देशभरको मनसुनी गतिविधि केही कम सक्रिय भएपनि आज मध्य र पूर्वी क्षेत्रका केही स्थानमा भारी हुने सम्भावना रहेको छ ।

केही दिनदेखि लगातार देशभर भैरहेको वर्षा मनसुन न्यून चापीय रेखा नेपालको दक्षणीतिर सरेसँगै देशभरको मनसुनी गतिविधिमा केही कमी आउने देखिए पनि आज मध्य र पूर्वी क्षेत्रका केही स्थानमा भने भारी वर्षाको सम्भावना रहेको पूर्वानुमान महाशाखाले जनाएको छ । हाल देशको मध्य र पूर्वी भेगमा मौसम पुर्ण बदली भई मध्यम बर्षा भइरहेको छ भने पश्चिमी पहाडी भेगमा आंशिक रुपमा मौसम बदली रहेको छ ।

आज देशको मध्य र पूर्वी क्षेत्रका एक वा दुइ स्थानमा भारी हुने सम्भावना रहेको छ । त्यस्तै जल तथा मौसम पूर्वानुमान महाशाखाले आगामी शनिबारसम्मको मौसम अनुमान सम्बन्धि बुटेलिन जारी गर्दै देशभर आंशिकदेखि सामान्य मौसममा बदलि रहि केहि स्थानहरूमा वर्षा हुने सम्भावना रहेको र देशको एक दुई स्थानमा मात्र भारि वर्षाको हुने सम्भावना रहने जनाएको छ । त्यस्तै बिभागले आगामी २४ घण्टासम्मको मौसमी चेतावनी तथा परामर्शमा बिभागले देशको मध्य र पुर्बी क्षेत्रका केही स्थानमा भारी वर्षाको सम्भावना रहेकाले पहिरो जान सक्ने तथा तराइका नदिहरुमा पानीको बहाव हल्का बढ्न सक्ने सम्भावना रहेकोले सतर्कता अपनाउ आग्रह गरेको छ ।