अखबार नेपाल ट्रेन्डिङ

रामेछाप: खाँडादेवी गाउँपालिका-३ सित्खा बजार नजिकै भिरपानीको गुन्डुखोला भन्ने ठाउँमा यात्रुवाहक बस दुर्घटनामा १३ जना यात्रु घाइते भएका छन् ।

घाइते हुनेहरु सबै खाँडादेवी-७ का रहेका छन् । बर्ष अन्दाजी ३४ को युबराज तामाङ, वर्ष अन्दाजी २९ को अजय तामाङ, वर्ष अन्दाजी २७ को सुस्मिता तामाङ, वर्ष अन्दाजी २३ को रस्मि तामाङ, वर्ष अन्दाजी १८ की सपना तामाङ, वर्ष अन्दाजी ३० को रमेश तामाङ, वर्ष अन्दाजी २४ को बास्ना घिसिङ, वर्ष अन्दाजी २४ को बिकाश तामाङ, वर्ष अन्दाजी ३३ को श्याम लामा, वर्ष अन्दाजी ४२ की रिता घिसिङ, वर्ष अन्दाजी १५ की प्रेरणा श्रेष्ठ, वर्ष अन्दाजी २८ की सुमित्रा कार्की, वर्ष अन्दाजी २८ को धनराज तामाङ रहेका छन् ।

दोरम्बाबाट काठमाडौंका लागि छुटेको बा३ख ४०४८ नम्बरको बस दुर्घटना भएको हो । तीव्र गतिका कारण बस दुर्घटनामा परेको प्रत्यक्षदर्शीले बताएका छन् ।

यात्रु दसैँको टिका लगाएर फर्कँदै थिए । बस रिजर्भ गरेर ल्याइएको र सडकमा अनियन्त्रीत भइ दुर्घटना भएको प्रहरी नायव उपरीक्षक राजकुमार थिङले जानकारी दिए ।

बसमा करिब ३० यात्रु सवार थिए । घाइते सबैलाई प्रहरी र स्थानीयले उद्धार गरी उपचारका लागि काभ्रेपलाञ्चोकको धुलिखेल अस्पताल लगिएको प्रहरीले जनाएको छ ।