अखबार नेपाल ट्रेन्डिङ

रामेछापः रामेछापको सुनापति गाउँपालिका-५ खनियापानीको लुभुघाटमा यात्रुवाहक बस दुर्घटना हुँदा ९ जनाको मृत्यु भएको छ ।

दुर्घटनामा परी २१ भन्दा बढी घाइते भएका छन् । गम्भीर घाइतेलाई उपचारका लागि हेलिकोप्टरबाट काठमाडौं लैजाने तयारी गरिएको छ ।

सुनापति गाउँपालिकाको केन्द्र हिलेदवीबाट काठमाडौं तर्फ जाँदै गरेको वस लुभुघाटमा दुर्घटना भएको थियो ।

मृत्यु हुनेमा ४ महिला र ५ जना पुरुष रहेको बुझिएको छ ।  मृतकहरुको भने पहिचान खुलेको छैन ।  ब

बसमा करिव ३० जना यात्रुलाई सवार थिए । २४ जना घाइतेलाई धुलिखेल अस्पताल ल्याइएको छ भने  घाइतेको उद्धारका लागि हेलिकप्टर पठाउने तयारी  भइरहेको  छ ।