अखबार नेपाल ट्रेन्डिङ

सुनसरी: धरान उपमहानगरपालिकामा मेयरका स्वतन्त्र उम्मेदवार हर्कराज साम्पाङले प्रमुख राजनीतिक दलका उम्मेदवारसँगको अग्रता कायमै राखेका छन् ।

जारी मतगणनाको पछिल्लो परिणाम अनुसार साम्पाङले १५ हजार ७०१ मत ल्याएका छन् भने उनलाई पछ्याइरहेका सत्ता गठबन्धनका उम्मेदवार किशोर राईले १३ हजार ३२ मत ल्याएका छन् ।

एमाले उम्मेदवार मन्जु भण्डारी सुवेदीले १० हजार ५३२ मत पाएकी छिन् भने उपमेयरमा गठबन्धनका माओवादी केन्द्रका अइन्द्र विक्रम वेघा १५ हजार ७८१ मतसहित अग्रस्थानमा रहेका छन् ।

एमालेका पदम इस्वोले १४ हजार २६७ मतसहित उनलाई पछ्याइरहेका छन् ।

स्वतन्त्र मेयरका उम्मेदवार साम्पाङले धरानको खानेपानी समस्यालाई एकसूत्रीय एजेन्डा बनाएर अघि बढेका छन् ।

अहिले स्थानीय तहको चुनावमा पनि उनले यही एजेन्डा बनाएर प्रतिस्पर्धामा उत्रिएका हुन् । धरानमा ६२ हजार ८ सय ९७ मत खसेको छ ।