अखबार नेपाल ट्रेन्डिङ

काठमाडौं: निर्वाचन अयोगले स्थानीय तहको निर्वाचनका लागि आजदेखि दल दर्ता खुला गरेको छ ।

सरकारले आगामी वैशाख ३० गते स्थानीय तहको निर्वाचन मिति घोषणा गरेको छ ।

आयोगले सूचना प्रकाशित गर्दै आजदेखि दल दर्ताको प्रकृया सुरु भएको बताएको हो । आयोगले दल दर्ताको आह्वान समेत गरेको छ ।

आयोगले आजदेखि १५ गतेसम्मका लागि दल दर्ताको समयसिमा तोकेको छ । दल दर्ताका लागि सार्वजनिक दिन पनि खुला रहने बताईएको छ ।

दल दर्ताका लागि निवेदन दिंदा दलको विधान, घोषणापत्र, नियमावली, झण्डा र चिह्नको नमूना, कम्तीमा २१ सदस्य केन्द्रीय समितिको व्यवस्था तथा अघिल्लो वर्षको लेखापरीक्षण प्रतिवेदन लगायत कागजात तथा विवरण पेस गर्नुपर्ने जनाईएको छ ।

विधान र नियमावली लोकतान्त्रिक, पाँच वर्षमा एक पटक सङ्घीय र प्रदेश तहका प्रत्येक पदाधिकारीको निर्वाचन भएको तथा विभिन्न तहका कार्यकारिणी समितिमा नेपालको विविधतालाई प्रतिनिधित्वको व्यवस्था भएको हुनुपर्नेजस्ता सर्तसहितका काजजातसमेत दर्ताका अवसरमा पेस गर्नुपर्ने छ ।