अखबार नेपाल ट्रेन्डिङ

काठमाडौं: कोरोना भाइरसको नयाँ ओमिक्रोन भेरियन्टको संक्रमण बढेसँगै सरकारले आजराति १२ बजेदेखि उपत्यकामा चल्ने सवारी साधनमा जोरविजोर प्रणाली लागु गरेको छ ।

जोर गते जोर र विजोर गते विजोर सवारीसाधन चलाउन पाईने उक्त प्रणालीमा निश्चित संस्था र सेवाका सवारी साधनले भने निर्वाध रुपमा चल्न पाउने भएका छन् ।

जसमा औषधी एवं औषधीजन्य पदार्थ बोकेका सवारी साधन, दमकल, एम्बुलेन्स, शव वाहन, ग्याँस, पेट्रोलियम पदार्थ बोकेका सवारी साधनलाई भने छुट हुनेछ ।

यस्तै खाद्यान्न, पानी, दुग्धजन्य पदार्थ, फलफूल, तरकारी, अण्डा, मासु लगायत वस्तु बोकेका सवारी साधनलाई पनि जोर विजोर प्रणाली लागु नहुने बताईएको छ ।

बैंक तथा वित्तीय संस्थाका कर्मचारी, सञ्चारकर्मी, वायुसेवा कम्पनीका कर्मचारी, सरकारी कर्मचारी, स्वास्थ्यकर्मी लगायतका सवारी साधनलाई पनि निर्वाध चल्न दिईने बताईएको छ ।

तर, त्यस्ता सवारी साधनका लागि सम्बन्धित व्यक्तिले सम्बन्धित कार्यालयको कामको आधिकारिक परिचयपत्र भने देखाउनुपर्ने छ ।