अखबार नेपाल ट्रेन्डिङ

बेलायतः सामाजिक सञ्जाल अनलाइन मार्फत १३-१४ वर्षका बालिकासँग यौनजन्य संवाद गरी यौन सम्बन्धका लागि घरमा बोलाउने गरेको आरोपमा एक नेपालीलाई बेलायती प्रहरीले पक्राउ गरेको छ ।

आफ्नो नग्न तस्विर पठाउने, बालिकाको तस्विर माग्ने र यौन सम्बन्धका प्रस्ताव राख्ने बेदबहादुर खड्का उर्फ निशान क्षेत्रीलाई आइतबार सेफिल्डबाट समातिएका हुन् ।

अनलाइनमा बढिरहेको यौनजन्य अपराध नियन्त्रणका लागि कार्यरत सामुदायिक स्वयंसेवी समूह एलिट टिमले खड्कालाई समातेर प्रहरी समक्ष बुझाएको हो ।

खड्काले ‘अण्डर एज’ १६ वर्ष मुनीका कम्तीमा ४-५ जनासँग ‘सेक्स च्याट’ गर्ने गरेको स्वीकारेका छन् ।

बालिकाको स्तनको आकार सोध्ने, आफ्नो गोप्य अंगको तस्बिर पठाउने, बालिकाको यौनांगको तस्बिर माग्ने जस्ता यौनजन्य कुरा गरेका पाइएको छ ।

एलिट टिमले समातेर केरकार गर्ने क्रममा खड्काले आफूले १३ वर्षीया बालिकालाई छोरी वा बहिनी सोचेको जिकिर गरेका थिए ।

तर त्यस्तो यौन च्याटबारे प्रमाण देखाउंदा उनले कहिले मदिरा पिएको बेला दिमागले काम गर्दैन भनेका छन् भने कहिले आफू सुतेको बेला पनि स्मार्ट फोनमा औंलाले थिचिएर तस्विर जाने गरेको हांस्यास्पद जवाफ दिएका छन् ।

खड्काले बेडमा बसेर एक १४ वर्षकी बालिकासँग राती ‘यो सेक्स गर्ने समय हो’ भनेका थिए ।

बेलायतमा १६ वर्ष पुगेपछि आपसी समझदारी भए मात्र यौन क्रियाकलाप गर्न कानूनी छुट छ ।

यो उमेर अघि यौनसम्बन्धी कुराकानी वा क्रियाकलाप गरे गम्भीर अपराध मानिन्छ ।