आफ्नै छात्रा माथि यौन दुर्ब्यवहार गरेको आरोपमा शिक्षक पक्राउ
वि.सं.२०७८ पुस २६ सोमवार १४:४०
रामेछापः रामेछाप जिल्लाको मन्थली नगरपालिका-११ गेलुबाट सोमबार प्रहरीले आफ्नै छात्रामाथि यौन दुर्ब्यवहार गरेको आरोपमा एक शिक्षकलाई पक्राउ गरेको छ ।
जिल्ला प्रहरी कार्यालय रामेछापले दिएको जानकारी अनुसार पक्राउ पर्नेमा मन्थली नगरपालिका-११ को शारदा मावि गेलुका शिक्षक दिनेश कुमार गुप्ता रहेका छन् ।
निमावि तहका ३८ बर्षका शिक्षक गुप्ताले सोही विद्यालयमा कक्षा ९ मा अध्ययनरत छात्रालाई आफ्नै कोठामा बोलाएर यौन दुर्ब्यवहार गरेको प्रहरीले जानकारी दिएको छ ।
विद्यालय परिसरमा शिक्षकहरुलाई बसोवास गर्नका लागि उपलब्ध गराइएको भवनको कोठामा छात्रालाई परिक्षाको कापी हेर्न भन्दै जबरजस्ती बोलाएर संवेदनशील अंगमा समाइ बालिकालाई यौन दुर्ब्यवहार गरेकाले प्रहरीले बाल यौन दुरुपयोग गर्न नहुने कसुर अन्तर्गत अनुसन्धान गरिरहेको जिल्ला प्रहरी कार्यालय रामेछापका प्रहरी प्रमुख नबराज ढुंगानाले बताए ।
वि.सं.२०७८ पुस २६ सोमवार १४:४०