अखबार नेपाल ट्रेन्डिङ

काठमाडौं: नेपाल कम्युनिस्ट पार्टीका अध्यक्ष पुष्पकमल दाहालले मन्त्रिमण्डल पुनर्गठनका विषयमा प्रधानमन्त्री केपी शर्मा ओलीसँग छलफल भएको बताएका छन् ।

विराटनगर विमानस्थलमा सञ्चारकर्मीसँग कुरा गर्दै अध्यक्ष दाहालले प्रधानमन्त्री केपी शर्मा ओलीसँग मन्त्रिमण्डल पुनर्गठनका विषयमा छलफल भएको जानकारी दिएका हुन् । बालुवाटारबाट सिधै विराटनगर आएको भन्दै प्रधानमन्त्रीसँगको छलफलमा मन्त्रीमण्डल पुनर्गठन गर्नैपरेमा केही हरफेर पनि हुनसक्ने भएकाले हतारो नभएको जानकारी दिए । मन्त्रीमण्डल पुनर्गठनको विषयमा प्रधानमन्त्री ओलीलार्इ नै निर्णय गर्न भनेको अध्यक्ष दाहालले जानकारी दिए ।

दाहालले सरकार र सीके राउतबीच भएको सहमति ‘सकारात्मक पहल’ भन्दै त्यसमा आफ्नो समर्थन रहेको पनि बताए । सरकार र सीके राउतबीचको सहमतिप्रति नेकपाभित्रै असन्तुष्टी बढेको प्रति उनले पार्टी नेताहरुलार्इ बाहिर धेरै नबोल्न समेत आग्रह गरे ।