अखबार नेपाल ट्रेन्डिङ

काठमाडौं: आजदेखि सुरु हुने निजी तथा आवासयीय विद्यालय संगठन नेपाल (प्याब्सन) को १४औं राष्ट्रिय महाधिवेशनमा दुईवटा प्यानल चुनावी प्रतिस्पर्धामा उत्रिएका छन् ।

प्याब्सनको १४औं राष्ट्रिय महाधिवेशनमा सहभागिताका लागी देशभरबाट २५ सय प्रतिनिधि काठमाडौं आएका छन् । अध्यक्षमा वर्तमान कार्यसमितिका बरिष्ठ उपाध्यक्ष डिके ढुङगाना र बरिष्ठ सल्लहाकार टिकाराम पुरीको प्यानल आ आफ्नो एजेण्डासहित चुनावी प्रतिस्पर्धामा उत्रिएका छन् ।

६७ सदस्य कार्यसमितिमा दुई प्यानलबीच निर्वाचन हुने भएपछि अधिकांश आकांक्षी चुनाव प्रचारमा लागेका छन । अध्यक्षका दुवै प्रत्यासीले सरकारसँग समन्वय गरी निजी विद्यालयको साख कायम राख्न अग्रसर रहने प्रतिबद्धता व्यक्त गरेका छन् । अध्यक्षमा उम्मेदवारी दिएका पुरीले प्याब्सनलाई गतिशील नेतृत्व दिन आफ्नो उम्मेदवारी अनिवार्य रहेको बताए ।

त्यस्तै अध्यक्ष पदका अर्का उम्मेदवार डीके ढुङगानाले शिक्षा क्षेत्रमा निजी क्षेत्रको लगानी र स्वामित्वको रक्षा गर्ने आफ्नो प्रमुख जिम्मेवारी रहेको बताए । आजबाट सुरु हुने महाधिवेशन नेतृत्व चयन गर्दै पर्सी सम्पन्न हुने प्यावसन नेपालले जानकारी दिएको छ । नेतृत्व चयनका लागि हिजो मनोनयन दर्ताको भएको छ ।