अखबार नेपाल ट्रेन्डिङ

काठमाडौं: विश्वभर महामारीको रुप लिएको कोरोना भाइरस हाल २ सय १० देशमा फैलिएको छ । उक्त भाइरसको संक्रमणबाट हालसम्म १ लाख २६ हजार ७ सय २० जना संक्रमितको मृत्यु भएको छ । पछिल्लो २४ घण्टामा मात्रै विश्वमा ६ हजार ९ सय ७९ संक्रमितले ज्यान गुमाएका छन् ।

ज्यान गुमाउने मध्ये सबैभन्दा बढी अमेरिकी रहेको छ । अमेरिकामा एकै दिन २४ सय भन्दा बढीको ज्यान गएको छ । पछिल्लो समय कोरोनाको इपिसेन्टर बनेको अमेरिकामा संक्रमितको संख्या ६ लाख नाघेको छ । वल्डोमिटरको तथ्याङक अनुसार अमेरिकामा हालसम्म संक्रमितको संख्या ६ लाख १३ हजार आठ सय ८८ पुगेको छ भने मृतकको संख्या २६ हजार ४७ जनाले ज्यान गुमाएका छन् ।

समयमै उचित कदम चाल्न नसकेको अमेरिकाले अहिले दैनिक ठूलो संख्यामा मानवीय क्षति ब्यहोरिरहेको छ । यहाँ संक्रमित हुने र ज्यान गुमाउनेको संख्या दैनिक तीब्र गतिमा थपिने क्रममा छ । अन्य मुलुकको तुलनामा अमेरिकामा कोरोना भाइरसका कारण अवस्था झनै जटिल बन्दै गइरहेको छ ।