अखबार नेपाल ट्रेन्डिङ

एजेन्सीः प्रियिमर लिग फुटबलमा आर्सनलले एभर्टनलाई ३–२ गोल अन्तरले हराएको छ । आईतबार राती भएको खेलमा पहिलो मिनेटमै पछाडी परेको स्थितीलाई उल्ट्याउँदै आर्सनलले पुनरागमन जित निकालेको हो । काल्भर्ट लेविनले पहिलो मिनेटमै गोल गर्दै पाहुना टोली एभर्टनलाई अघि बढाएका थिए ।

आर्सनल एडी नेकेटायाको गोलमार्फत २७ औं मिनेटमा खेलमा फर्किएको थियो । अबुमियाङले ३३औ मिनेटमा गोल गर्दै आर्सनललाई खेलमा अगाडी बढाए । एभर्टनका रिचार्डलिसनले पहिलो हाफको ईन्जुरी समयमा बराबरी गोल फर्काए । दोस्रो हाफको पहिलो मिनेटमै ब्यक्तिगत दोस्रो गोल गर्दै अबुमियाङले आर्सनलको जित सुनिश्चित गरेका थिए । लगातारको जितले आर्सनल तालिकामा माथि उक्लिने क्रम जारी छ ।